⭐️ اذكار الاستيقاظ من النوم. ممكن نحفظ الطفل جزء صغير و كل فترة نزود جزء تاني من الاذكار.
⭐️ ترتيب السرير. لو صغير ساعديه. كبير عرفيه ان مش هانعمل اي حاجة بيحبها الا لما السرير يترتب.
⭐سماع قران
⭐️ فيديوهات تعليمية
⭐️ وقت الصلاة نشجع الطفل يصلي معانا بس مانضغطش عليه لو اقل من ٧ سنوات.
⭐️ وقت الفطار لمده نص ساعة
⭐️ لعب حر و في الخلفية التلفزيون شغال علي اغاني الحروف و الارقام. لمده ساعة
⭐نلعب رياضة في البيت لمده ١٥ دقيقة
⭐️ وقت لعب حر اثناء تجهيز الاكل لمده ساعتين-٣ ساعات
⬅️ممكن في نفس الوقت اتكلم مع الطفل في مواضيغ مختلفة. بنحفظ قران اثناء عمل الاكل و اجاوب علي اسالته باجابات صحيحة و تفصيلية. لو حاجة مش عارفاها نفتح جوجل و نجيب الاجابات.
⭐وقت الاكل
⭐️ ترتيب بعد الاكل
⬅️لازم الطفل يعرف ان ده دوره. الام عملت الاكل الطفل يلم السفرة ممكن تقوليله *هساعدك* عشان يحس انه واجب عليه هو. يشيل اي حاجة حتي لو طبق واحد. اهم حاجة تصبري و ماتتنزليش حتي لو الاكل هايفضل علي السفرة طول اليوم. ممنوع اي حاجة هو بيحبها الا لما الاكل يتشال.
⭐وقت راحة للام
⬅️الطفل لازم يعرف ان ده وقت ليكي لوحدك. اشربي شاي/قهوة و ماترديش علي الطفل قوليله ده الوقت بتاعي مش هاقدر اعملك حاجة. بس ماتخليش الوقت ده اكتر من ربع ساعة لو الطفل صغير اوي لو اكبر ممكن نص ساعة. لو بيزن سبيه و ادخلي غرفتك و اقفلي الباب بس احضنيه و بوسيه و فهميه انك بتحبيه بس ده وقتك الخاص.
⭐وقت النشاط التعليمي.
،⬅️ممكن تختارو نشاط تعملوه سوي جهزو للنشاط مع بعض و فهميه انكم كده بتلعبو. لو النشاط جاهز مش هتحتاجي تقعدي معاه اكتر من ١٠ دقايق. لو مبسوط و عايز يكمل كملي بس ماتطوليش لحد ما يحس بالملل لازم تقومي و هو مبسوط عشان يبقي مشتاق يقعد تاني المره الجاية.
⭐لعب حر
⭐️ التجهيز للنوم.
⬅️ازم يبقي في وقت محدد للنوم ماتتنزليش عنه و مع الوقت الطفل هايتعود ان شاء الله.
⭐️ ممكن قراءة او سماع قصة قبل النوم.
⬅️القصة ممكن تكون باللغة العربية او الانجليزية. و الافضل يوم لقصص الانبياء و يوم لقصص عادية. لكن بلاش الحواديت الخيالية و مافيهاش دروس مفيدة.
⭐ممكن بدل القصة او مع القصة نتكلم مع بعض.
⬅️ اساليه ايه اكتر حاجة فرحته في اليوم و ايه دايقه. عوديه يتكلم معاكي و يحكي مشاعره. لما يعمل كده ماتعلقيش خالص عشان يحس بالامان.
⭐⭐⭐⭐لازم نعمل حلقة في الاسبوع تتجمع فيها الاسرة كلها و نتكلم عن كل حاجة عايزين نعملها خلال الاسبوع، نتكلم عن مشاكلنا،نتكلم عن الحاجات اللي بنحبها. ندي فرصة للاطفال يعبرو عن اللي جواهم.
No comments:
Post a Comment